ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ముప్పదితొమ్మిదవ పద్యము:
చంపకమాల:
శని వడి మూర్ఖుఁడై శపథి సాల్వుఁడు, సౌభక సంస్థితుండు మో
దను గినుకన్, వెసం జెలఁగి ద్వారక ముట్టడి సేయ, పోర; రేఁ
గిన వడి, దుష్టుపై స్వక శిఖిన్ విడి, నీ ఘన చక్ర మేసి, వే
దునిమితివే! హరీ! తుదకుఁ దూర్ణమె గూర్చితె తుష్టిఁ గేశవా! 39
గర్భిత కందము:
వడి మూర్ఖుఁడై శపథి సా
ల్వుఁడు, సౌభక సంస్థితుండు మోదను గినుకన్,
వడి, దుష్టుపై స్వక శిఖిన్
విడి, నీ ఘన చక్ర మేసి, వే దునిమితివే! 39
గర్భిత తేటగీతి:
శపథి సాల్వుఁడు, సౌభక సంస్థితుండు
చెలఁగి ద్వారక ముట్టడి సేయ, పోర;
స్వక శిఖిన్ విడి, నీ ఘన చక్ర మేసి,
తుదకుఁ దూర్ణమె గూర్చితె తుష్టిఁ గేశ! 39
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి